புதிய கடவுச்சீட்டு (தற்போதைய/காலாவதியான கடவுச்சீட்டுக்குப் பதிலாக)

 விசேட குறிப்புகள் அல்லது கட்டுப்பாடுகள் இல்லாவிட்டால், சாதாரண கடவுச்சீட்டுகள் வழங்கப்பட்ட தேதியிலிருந்து பத்து (10) ஆண்டுகள் செல்லுபடியாகும். இந்த 10 ஆண்டு காலம் நிறைவடைந்ததும் அல்லது விசா முத்திரைகளுக்கான பக்கங்கள் இல்லாத போது புதிய கடவுச்சீட்டு பெறப்பட வேண்டும்.

 ஏற்கனவே உள்ள கடவுச்சீட்டு காலாவதியாவதற்கு முன்போ அல்லது விசா முத்திரைகளுக்கான பக்கங்கள் தீரும் முன்போ புதிய கடவுச்சீட்டிற்கு விண்ணப்பிப்பது கடவுச்சீட்டு வைத்திருப்பவரின் பொறுப்பாகும்.

 தகுதி

 பின்வரும் நாடுகளில் வசிக்கும், பிறப்பால் அல்லது பதிவு மூலம் இலங்கைப் பிரஜையாக உள்ளவர்கள்:

• பிரான்ஸ்
• ஸ்பெயின்
• போர்த்துக்கல்
• மொனாக்கோ
• அண்டோரா

 யார் விண்ணப்பிக்கலாம்?

மேற்கண்ட நாடுகளில் நிரந்தர வதிவிட சான்றிதழ் அனுமதி அல்லது செல்லுபடியான விசா வைத்திருப்பவர்.

 எவ்வளவு காலம் ஆகும்?

 கடவுச்சீட்டை வழங்கும் அதிகாரம் இலங்கை குடிவரவு மற்றும் குடியகல்வு திணைக்களம் (கொழும்பு) என்பதால், பூர்த்தி செய்யப்பட்ட விண்ணப்பம் சமர்ப்பிக்கப்பட்ட தேதியிலிருந்து புதிய கடவுச்சீட்டு பெற 4 முதல் 6 மாதங்கள் வரை ஆகலாம்.

 பொதுவாக, தூதரகம் பூர்த்தி செய்யப்பட்ட விண்ணப்பங்களை வெளிநாட்டு அலுவல்கள் அமைச்சின் ஊடாக தூதரகப் பையில் (Diplomatic Bag) அனுப்பும்.

 தூதரகத்தால் ஒரு குறிப்பிட்ட காலத்திற்குள் கடவுச்சீட்டு வழங்கப்படும் என உத்தரவாதம் அளிக்க முடியாது.

 விண்ணப்பிக்கும் இரண்டு வழிகள்

1. பிரான்ஸில் உள்ள தூதரகத்திற்கு நேரில் சென்று: பிரான்சிலுள்ள இலங்கை தூதரகம், 16 ரூ ஸ்பொந்தினி, 75016 பரிஸ் [தூதரகத்திற்கு வருவதற்கு முன் அதிகாரப்பூர்வ இணையதளத்தில் நேரம் முன்பதிவு (Appointment) செய்ய வேண்டும்.]
2. தபால் மூலம் அனைத்து தேவையான ஆவணங்களையும் அனுப்புவதன் மூலம்: பிரான்சிலுள்ள இலங்கை தூதரகம், 16 ரூ ஸ்பொந்தினி, 75016 பரிஸ்

•  கீழே குறிப்பிடப்பட்டுள்ளபடி மூல ஆவணங்கள், தற்போதைய கடவுச்சீட்டு, மூல ஆவணங்களின் பிரதிகள், புகைப்படங்களுடன் கூடிய அத்தாட்சிப்படுத்தப்பட்ட விண்ணப்பங்கள் (பிரான்ஸ் நோட்டரி / சட்டத்தரணி (Attorney) அல்லது தொடர்புடைய நகர அலுவலகம் அல்லது இலங்கை கௌரவத் தூதுவரால் அத்தாட்சிப்படுத்தப்பட்டவை), வங்கி பரிமாற்ற ரசீது/ஆவணம் (Bank Transfer Note) மற்றும் சுய முகவரியிடப்பட்ட, த்திரையிடப்பட்ட ஒரு (01) உறை ஆகியவற்றுடன் விண்ணப்பத்தை அனுப்பலாம்.

 சிறப்பு குறிப்புகள்:

• தபால் மூலம் அனுப்பப்படும் போது கடவுச்சீட்டுகள் மற்றும் ஏனைய ஆவணங்களுக்கு ஏற்படும் எந்தவொரு சேதம் அல்லது இழப்பிற்கும் தூதரகம் பொறுப்பேற்காது.
•  குறிப்பிட்ட தூதரக சேவைக்குத் தேவையான அனைத்து ஆவணங்களும் பூர்த்தி செய்யப்பட்டுள்ளன என்பதை தூதரகத்தின் தூதரகப் (Consular) பிரிவிலிருந்து உறுதிப்படுத்தல் கிடைக்கும் வரை, விண்ணப்பதாரர்கள் எந்தவொரு தூதரகக் கட்டணத்தையும் தூதரக வங்கிக் கணக்கிற்கு
  மாற்றவோ அல்லது வைப்புச் செய்யவோ வேண்டாம்.
• ரசீது வழங்கப்பட்ட பின்னர், எந்தவொரு சூழ்நிலையிலும் கட்டணங்கள் மீளச் செலுத்தப்படமாட்டாது.

 நியமன நேரத்திற்காக (Appointment) தூதரகத்திற்கு வருகை தரும் போது, பின்வரும் ஆவணங்களை கொண்டு வரவும்:

 தேவையான ஆவணங்கள்:

1.  இணையத்தளம் வழியாக 'K35A' வெளிநாட்டு விண்ணப்ப படிவத்தை முழுமையாக பூர்த்தி செய்து அச்சிடவும். கடவுச்சீட்டு விண்ணப்பத்தை பூர்த்தி செய்வதற்கான வழிமுறைகளைப் பின்பற்றவும்.
2. கடவுச்சீட்டு புகைப்படங்களைப் பெறவும். குறிப்பிட்ட தேவைகளை  பூர்த்தி செய்யாத புகைப்படங்களை தூதரகம் நிராகரிக்கும்.
3. தற்போதைய கடவுச்சீட்டு மற்றும் அதன் தரவு பக்கத்தின் (Data Page) பிரதி, குறிப்புகள்/மாற்றங்கள் செய்யப்பட்ட பக்கங்களின் (Observation/Alteration Pages) பிரதி, முத்திரையிடப்பட்ட விசா பக்கங்களின் பிரதி ஆகியவற்றை சமர்ப்பிக்க வேண்டும்.
4. பதிவாளர் நாயகம் (Registrar General), மாவட்டப் பதிவாளர் (District Registrar) அல்லது பிரதேசப் பதிவாளர் (Divisional Registrar) ஆகியோரால் வழங்கப்பட்ட, 06 மாதங்களுக்குள் பெறப்பட்ட மூல பிறப்புச் சான்றிதழ்கள் மட்டுமே ஏற்றுக்கொள்ளப்படும். மூன்றாம் தரப்பினரால் அல்லது மொழிபெயர்ப்பாளர்களால் அத்தாட்சிப்படுத்தப்பட்ட பிறப்புச் சான்றிதழ் பிரதிகள், இலங்கை குடிவரவு மற்றும் குடியகல்வு திணைக்களத்தினால் ஏற்றுக்கொள்ளப்படமாட்டாது.
5. விண்ணப்பதாரர் இலங்கைக்கு வெளியே பிறந்திருந்தால், இலங்கை குடிவரவு மற்றும் குடியகல்வு திணைக்களத்தினால் வழங்கப்பட்ட மூல குடியுரிமைச் சான்றிதழ் மற்றும் அதன் தெளிவான பிரதியை சமர்ப்பிக்க வேண்டும். முதல் தடவையாக கடவுச்சீட்டு பெறும் சந்தர்ப்பத்தில்
   மட்டும், குடியுரிமைக்கான கட்டணம் செலுத்திய ரசீதின் பிரதி ஏற்றுக்கொள்ளப்படும். 

• குறிப்பு: இலங்கைக்கு வெளியே பிறந்த விண்ணப்பதாரர் 21 வயதை அடைந்திருந்தால், இலங்கை குடியுரிமையை தொடர்வதை உறுதிப்படுத்தும்
  வகையில் குடியுரிமைச் சான்றிதழின் பின்புறத்தில் செய்யப்பட்டுள்ள குறிப்புடன் கூடிய சான்றிதழை சமர்ப்பிக்க வேண்டும். அந்த நீட்டிப்பு (endorsement) இல்லையெனில், இலங்கை குடியுரிமையை நீட்டிக்கவில்லை என்பதை உறுதிப்படுத்தும் சத்தியப்பிரமாணப் பத்திரம் (Affidavit) ஒன்றை சமர்ப்பிக்க வேண்டும். (இந்த சத்தியப்பிரமாணப் பத்திரத்தை தூதரகம் வழங்கும். இதற்காக விண்ணப்பதாரர் மேலதிகமாக €64 செலுத்த வேண்டும்.)
• திருமணப் பெயரைப் பெற விரும்பினால் (பெண் விண்ணப்பதாரர்களுக்கு பொருந்தும்): மூல திருமணச் சான்றிதழ் மற்றும் அதன் தெளிவான
  பிரதியை சமர்ப்பிக்க வேண்டும். அது வேறு மொழியில் இருந்தால், அதன் ஆங்கில மொழிபெயர்ப்பையும் கொண்டு வர வேண்டும். (மற்ற தரப்பினரால் அல்லது மொழிபெயர்ப்பாளர்களால் அத்தாட்சிப்படுத்தப்பட்ட  பிரதிகள் ஏற்றுக்கொள்ளப்படமாட்டாது). விவாகரத்து செய்யப்பட்டு, கணவரின் பெயருடன் கூடிய திருமணப் பெயரை புதிய கடவுச்சீட்டில் தொடர விரும்பினால், நீதிமன்ற உத்தரவின் பிரதி மற்றும் மூல ஆவணம் கட்டாயமாக சமர்ப்பிக்கப்பட வேண்டும்.

7.  மூல இலங்கை தேசிய அடையாள அட்டை (NIC). தேசிய அடையாளஅட்டையின் பிரதி மட்டும் இருந்தால், மூல அட்டை சமர்ப்பிக்க முடியாத காரணத்தை விளக்கும்கடிதம் ஒன்றை எழுத வேண்டும். இலங்கை தேசிய அடையாள அட்டை இல்லையெனில், அதற்கான காரணத்தைவிளக்கும் கடிதத்தை (ஆங்கிலம் / சிங்களம் / தமிழ் மொழிகளில்) சமர்ப்பிக்க வேண்டும்.(மாதிரிகடிதம் வழங்கப்பட்டுள்ளது.)
8. விண்ணப்பதாரர் இரட்டைக் குடியுரிமை (Dual Citizenship) பெற்றவராக இருந்தால்: மூல இரட்டைக் குடியுரிமைச் சான்றிதழ் மற்றும் அதன் பிரதி, மூல வெளிநாட்டு கடவுச்சீட்டு மற்றும் தரவு பக்கத்தின் பிரதி ஆகியவற்றை சமர்ப்பிக்க வேண்டும்.
9. கடவுச்சீட்டில் விண்ணப்பதாரரின் தொழில்/பணியைச் சேர்க்க விரும்பினால், வேலைவாய்ப்பு சான்றிதழின் (Certificate of Employment) மூல பிரதியையும், தொழில்முறை அல்லது கல்விச் சான்றிதழ்களின் மூல மற்றும் அவற்றின் பிரதியையும் சமர்ப்பிக்க வேண்டும்.
10. விண்ணப்பதாரர் பௌத்த பிக்குவாக இருந்தால், பிறப்புச் சான்றிதழுடன் சாமணேர (Samanera) சான்றிதழ் அல்லது உபசம்பதா (Upasampada) சான்றிதழ் மற்றும் அதன் பிரதியையும் சமர்ப்பிக்க வேண்டும்.
11. குடியேற்ற (Immigrant) விசாவின் மூல மற்றும் அதன் பிரதியை சமர்ப்பிக்க வேண்டும். (உங்களிடம் குடியேற்ற விசா இல்லையெனில், Commission நிராகரிப்பு ஆவணம் அல்லது அகதி நிலையைத் துறந்ததற்கான கடிதத்தை (Refugee Renounce Letter), பிரான்ஸ் வெளிவிவகார அமைச்சினால் சட்டப்பூர்வமாக உறுதிப்படுத்தப்பட்ட நிலையில், அதன் ஆங்கில மொழிபெயர்ப்புடன் சமர்ப்பிக்க வேண்டும்). விசா குறைந்தது 1–3 மாதங்கள் செல்லுபடியாக இருக்க வேண்டும். செல்லுபடியாகும் விசா இல்லாத நிலையில், விண்ணப்பதாரர் வேறு எந்த வெளிநாட்டு குடியுரிமையையும்,
    அகதி (Refugee) அல்லது புகலிடம் (Asylum) அந்தஸ்தையும் பெறவில்லை என்பதை உறுதிப்படுத்தும் சத்தியப்பிரமாணப் பத்திரத்தை (Affidavit) சமர்ப்பிக்க வேண்டும். (இந்த சத்தியப்பிரமாணப் பத்திரம் தூதரகத்தால் வழங்கப்படும்.)

ஒவ்வொரு ஆவணத்தின் பிரதியையும் மற்றும் அனைத்து ஆவணங்களின் பிரெஞ்சு மொழியில் ஆங்கில மொழிபெயர்ப்பையும் கொண்டு வரவும்.

கட்டணம் செலுத்தும் முறை

• விண்ணப்பதாரர் தூதரகத்திற்கு நேரில் வருகை தரும் போது, பணமாகவோ, கடன் அட்டையிலோ (Credit Card) அல்லது பற்று அட்டையிலோ (Debit Card) பணம் செலுத்தலாம். தனிப்பட்ட அல்லது நிறுவன காசோலைகள் ஏற்றுக்கொள்ளப்படமாட்டாது. இலங்கை அரசாங்கத்தின் விதிமுறைகளுக்கு அமைவாக, கடன் அட்டை அல்லது பற்று அட்டை மூலம் மேற்கொள்ளப்படும் அனைத்து கொடுப்பனவுகளுக்கும் கூடுதலாக 5% சேவைக் கட்டணம் அறவிடப்படும் என்பதை தயவுசெய்து கவனத்தில் கொள்ளவும்.
• தொடர்புடைய கட்டணத்தை பிரான்சில் உள்ள இலங்கைத் தூதரகத்தின் வங்கிக் கணக்கிற்கு நேரடி வங்கி பரிமாற்றம் (Bank Transfer) மூலம் செலுத்த விரும்பும் விண்ணப்பதாரர்கள், அதற்கான முன்கூட்டிய வழிமுறைகளைப் பெற்றுக்கொள்வதற்காக தூதரகத்தைத் தொடர்புகொள்ளுமாறு அறிவுறுத்தப்படுகிறார்கள்.

கட்டணங்கள்

முக்கிய அறிவுறுத்தல்கள்:

• உத்தியோகபூர்வ ரசீது வழங்கப்பட்ட பின்னர், எந்தவொரு சூழ்நிலையிலும் கட்டணங்கள் மீளச் செலுத்தப்படமாட்டாது.
• மொழிபெயர்ப்புகள் அசல் ஆவணங்களாக ஏற்றுக்கொள்ளப்படமாட்டாது. அனைத்து பிரதிகளும் A4 அளவிலான தாளில் இருக்க வேண்டும்.
• தூதரகம் சமர்ப்பிக்கப்பட்ட அனைத்து ஆவணங்களையும் பரிசீலித்த பின்னர், மூல ஆவணங்களை விண்ணப்பதாரரிடம் திருப்பி வழங்கும்.
• குழந்தையின் பெயரை பெற்றோரின் கடவுச்சீட்டிலிருந்து நீக்க வேண்டிய தேவை இருந்தால், பெற்றோரின் கடவுச்சீட்டுகள் சமர்ப்பிக்கப்பட வேண்டும்.
• தமது குழந்தை அல்லது குழந்தைகளுடன் சேர்த்து புதிய கடவுச்சீட்டிற்கு விண்ணப்பிக்கும் பெற்றோர், தங்களது கடவுச்சீட்டிலிருந்து குழந்தையின் விவரங்களை நீக்க வேண்டிய அவசியமில்லை, ஏனெனில் பெற்றோருக்கு புதிய கடவுச்சீட்டு வழங்கப்படும்.
• விண்ணப்பதாரர் அவசரமாக ஆவணங்களை அனுப்ப அல்லது பெற்றுக்கொள்ள வேண்டுமெனில் (Express Courier Service அல்லது Speed Post போன்ற சேவைகள் மூலம்), அதற்கான ஏற்பாடுகளை அவர் தனிப்பட்ட முறையில் மேற்கொள்ள வேண்டும்.
• தபால் அல்லது கூரியர் சேவையின் மூலம் தொலைந்துபோகும் அல்லது தாமதமாகும் ஆவணங்களுக்கு தூதரகம் எந்தவித பொறுப்பையும் ஏற்காது.