ප්රංශයේ ශ්රී ලංකා ප්රජාතාන්ත්රික සමාජවාදී ජනරජයේ තානාපති කාර්යාලය
பிரான்சிலுள்ள இலங்கை ஜனநாயக சோசலிச குடியரசின் தூதரகம்
Embassy of the Democratic Socialist Republic of Sri Lanka in France
கடவுச்சீட்டில் திருத்தங்கள் / மாற்றங்கள்
தகைமை (Eligibility):
பிரான்ஸ், ஸ்பெயின், போர்த்துக்கல், மொனாக்கோ மற்றும் அன்டோரா ஆகிய நாடுகளில் வசிக்கும், பிறப்பால் அல்லது பதிவு மூலம் இலங்கைப் பிரஜாவுரிமை பெற்ற விண்ணப்பதாரர்கள்.
பிரான்சிலுள்ள இலங்கைத் தூதரகத்திற்கு நேரில் வருகை தருவதன் மூலம் பிரான்சிலுள்ள இலங்கைத் தூதரகம், 16 Rue Spontini, 75016 Paris.
விண்ணப்பதாரரின் கோரிக்கையின் பேரில், ஆதார ஆவணங்களைச் சரிபார்த்த பின்னர், கடவுச்சீட்டில் பெயர் மற்றும் பிறந்த இடம் ஆகியவற்றை மட்டுமே தூதரகத்தால் திருத்த முடியும்.
பிறந்த திகதியைத் திருத்துவதற்காக, தூதரகம் விண்ணப்பத்தை இலங்கையிலுள்ள குடிவரவு மற்றும் குடியகல்வுத் திணைக்களத்திற்கு அனுப்பி வைக்கும்.
தூதரகத்தில் உங்களுக்கான சந்திப்பின்போது பின்வரும் ஆவணங்களைக் கொண்டு வரவும்:
1. பெயரின் எழுத்து / திருமணத்திற்கு முந்தைய பெயர் / வேறு பெயரைத் திருத்துவதற்கு
- அங்கீகாரப் படிவம் (Form O – IM 37)
- விண்ணப்பதாரரின் கோரிக்கைக் கடிதம்
- அசல் கடவுச்சீட்டு மற்றும் அதன் ஒளிப்பிரதி
- இலங்கையின் வெளிநாட்டு அலுவல்கள் அமைச்சினால் சட்டப்பூர்வமாக்கப்பட்ட, ஒரு வருடத்திற்குள் வழங்கப்பட்ட இலங்கை அசல் பிறப்புச் சான்றிதழ் (அசல் மற்றும் ஒளிப்பிரதி).
2. திருமணத்திற்குப் பின்னர் பெயரைத் திருத்துவதற்கு
- அங்கீகாரப் படிவம் (Form O – IM 37)
- விண்ணப்பதாரரின் கோரிக்கைக் கடிதம்
- அசல் கடவுச்சீட்டு மற்றும் அதன் ஒளிப்பிரதி
- இலங்கை அசல் பிறப்புச் சான்றிதழ்
- இலங்கையில் திருமணம் நடைபெற்றிருந்தால், இலங்கை வெளிநாட்டு அலுவல்கள் அமைச்சினால் சட்டப்பூர்வமாக்கப்பட்ட, ஒரு வருடத்திற்குள் வழங்கப்பட்ட அசல் திருமணச் சான்றிதழ்.
- பிரான்சில் திருமணம் நடைபெற்றிருந்தால், பிரான்சின் சட்டப்பூர்வமாக்கல் நிலையத்தினால் சட்டப்பூர்வமாக்கப்பட்ட, ஒரு வருடத்திற்குள் வழங்கப்பட்ட அசல் திருமணச் சான்றிதழ் மற்றும் அதன் ஆங்கில மொழிபெயர்ப்பு.
- வேறு எந்த நாட்டிலாவது திருமணம் நடைபெற்றிருந்தால், பிரான்சிலுள்ள சம்பந்தப்பட்ட நாட்டின் தூதரகத்தினால் சட்டப்பூர்வமாக்கப்பட்ட, ஒரு வருடத்திற்குள் வழங்கப்பட்ட அசல் திருமணச் சான்றிதழ் மற்றும் அதன் ஆங்கில மொழிபெயர்ப்பு.
3. பிறந்த இடத்தைத் திருத்துவதற்கு
- அங்கீகாரப் படிவம் (Form O – IM 37)
- விண்ணப்பதாரரின் கோரிக்கைக் கடிதம்
- அசல் கடவுச்சீட்டு மற்றும் அதன் ஒளிப்பிரதி
- இலங்கையின் வெளிநாட்டு அலுவல்கள் அமைச்சினால் சட்டப்பூர்வமாக்கப்பட்ட, ஒரு வருடத்திற்குள் வழங்கப்பட்ட இலங்கை அசல் பிறப்புச் சான்றிதழ் (அசல் மற்றும் ஒளிப்பிரதி).
கட்டணம் செலுத்தும் முறை
விண்ணப்பதாரர்கள் பணமாக, கடன் அட்டை / பற்று அட்டை அல்லது ATM அட்டைகள் மூலம் கட்டணம் செலுத்தலாம். தனிநபர் அல்லது நிறுவனக் காசோலைகள் ஏற்றுக்கொள்ளப்படமாட்டாது.
பொருந்தும் கட்டணம்
| Description of Services / சேவையின் விபரம் | Regular Fee (€) / வழக்கமான கட்டணம் (€) |
|---|---|
| Endorsements / Amendments in a passport - Per amendment / கடவுச்சீட்டில் அங்கீகாரங்கள் / திருத்தங்கள் – ஒவ்வொரு திருத்தத்திற்கும் | €12 |
முக்கியமானவை
- உத்தியோகபூர்வ பற்றுச்சீட்டு வழங்கப்பட்ட பின்னர், எந்தச் சந்தர்ப்பத்திலும் செலுத்தப்பட்ட கட்டணம் திருப்பி வழங்கப்படமாட்டாது.
- மொழிபெயர்க்கப்பட்ட ஆவணங்கள் அசல் ஆவணங்களாக ஏற்றுக்கொள்ளப்படமாட்டாது. அனைத்து ஒளிப்பிரதிகளும் A4 அளவிலான தாள்களில் இருக்க வேண்டும்.
- தூதரகம் அனைத்து ஆவணங்களையும் சான்றளித்த பின்னர், அசல் ஆவணங்களை விண்ணப்பதாரரிடம் திருப்பி வழங்கும்.